Tugende Ewa Kitaffe

Tugende, tugende ewa Kitaffe,
Katonda ow'ekisa y'atuyita tukiike.

Tugende, tugende baana battu,
Katonda ow'ekisa y'atuyita tukiike.

Tugende, tugende baana battu,
Katonda ow'ekisa y'atuyita tukiike.

Tugende, tugende b'anunudde,
Katonda ow'ekisa y'atuyita tukiike.

Tutwale, tutwale eby'okuwaayo,
Katonda ow'ekisa y'atuyita tukiike.

Tutoole, tutoole eby'omuwendo,
Katonda ow'ekisa y'atuyita tukiike.

Mmwe mujje, mmwe mujje n'oluyimba,
Katonda ow'ekisa y'atuyita tukiike.

Muleete, muleete eby'okukiika,
Katonda ow'ekisa y'atuyita tukiike.

Muyimbe, muyimbe by'agabudde,
Katonda ow'ekisa y'atuyita tukiike.

Tugende, tugende, tugende ew'Omusumba,
tugende, tugende ewa Katonda waffe.

Mutuuke, mutuuke, mutuuke ew'Omusumba,
mutuuke, mutuuke, ewa Katonda waffe.

Musimbe, musimbe tugende ew'Omusumba,
mutuuke, mutuuke ewa Katonda waffe.

Amakula ge mugaleete mwe b'anunudde,
Katonda ow'ekisa ffe abaana atwagala nnyo.

Ebirabo bye mubireete mwe b'anunudde,
Katonda ow'ekisa ffe abaana atwagala nnyo.

Mmwe bye mufunye mubireete mwe n'oluyimba,
Katonda ow'ekisa ffe abaana atwagala nnyo.

Mmwe abamumanyi mumutende obutamala,
Katonda ow'ekisa ffe abaana atwagala nnyo.

Obulungi bwe mubutende atuwadde bingi,
Katonda ow'ekisa ffe abaana atwagala nnyo.

Amakula ge tugatoole ku by'agabudde,
Katonda ow'ekisa ffe abaana atwagala nnyo.

Naakuwa ki leero nze ekikusaana?
Naakuwa ki leero nze ekikugyamu?

Naakuwa ki byonna anti biva gy'oli?
Naakuwa ki ebyange bigasa ki?

Naakuwa ki leero nze gw'oyise ggwe?
Naakuwa ki nze omwavu naakola ntya?

Naakuwa ki ebyange ssibisaana?
Naakuwa ki ggwe annyambye bye nkozeeko?

Naakuwa ki ensimbi ezikusaana?
Naakuwa ki ebyange bye mbazizza?

Naakuwa ki nzenna ssikusaana?
Naakuwa ki obulamu bw'otuwadde?

Gaagano amakula go ssebo,
twebaza Ddunda by'otuwadde.

Biibino ebirabo byo ssebo,
twebaza Ddunda by'otuwadde.

Twesiga omukwano gwo ssebo,
twebaza Ddunda by'otuwadde.