E BETELEMU ABASUMBA

E BETELEMU ABASUMBA (M.H.)

1. E Betelemu abasumba

Tibeebaka na ku tulo

Balunda endiga ku ntunnumba

Gye bayotera omuliro

Amangu ago ne wajjawo

Malayika w’omu ggulu

Ayaka ng’ayimiridde awo

N’abajjuza entiisa enzibu.

2. Ko ye nti”Mwenna mutereere

Essanyu libunye mu nsi

Katonda, nga mwana omuwere,

Asuze mu mpuku muli”

Banne bangi nnyo ne bakwanya

Ennyimba ez’okwaniriza

Katonda gwe yabalagaanya

Asana okusanyukirwa.

3. Ko bo nti”Tuwulidde ekyama

Ka twebaze Nnyini ggulu!

Tugende tunoonye Omukama

Mu mpuku y’e Betelemu

Awo ne basanga omuzadde

Ng’atiitiibya akaagalwa ke

Bonna ne batenda ayagadde

Okwefuula omuntu nga ffe.

4. Ayi Yezu, ffena tukusinza,

Tuzze okukugulumiza;

Tukkiriza ggwe ow’obuyinza,

Asula mu bwavu obusa.

Ayi Yezu Mulokozi waffe,

Asaasidde abantu bonna,

Kabaka ggwe, Nnannyini byaffe

Tufuge emirembe gyonna!

DOWNLOAD LINK:

E BETELEMU ABASUMBA PDF