OBUGYENYI BWA YEZU

Obugyenyi bwa Yezu Omugabe,
Mwije tubutaahe bakundwabe,
Obugyenyi bwa Yezu Omugabe,
Mwije tubutaahe bakundwabe.
1.    Nkunzi za Yezu mumushabe,
Abaruhuure bahakwabe.

2.    Ekibariisa kimanyirwe;
Egabo, Yezu, acumirwe.

3.    Akenda tweena ngu tumurye,
Okuritunga eiguru rye.

4.    Entamutunga, abagara,
Omu bakundwa tababara.

5.    Abamutunga bagasirwa;
Eneema nyingi baigabirwa.

6.    Abarya Yezu Omukama,
Mutamuriisa ekimama.

7.    Abamuheebwa mubonere,
Ayenda mwena mushemere.

8.    Abanga kwera bahagara;
Barya kuyeita amagara.

9.    Abamuheebwa mumuramye,
Mukama waanyu abahamye.

10.    Yaija kuheebwa ngu mwezibwe,
Naimwe mumwehe, mukizibwe.

11.    Yaija kunywana omukago,
Nyamuha-maani yaija nago.

12.    Abamunywana, gukahama,
Abata Bwera, bajajama.

Comments

0 Comments

Login

Welcome! Login in to your account

Remember me Lost your password?

Lost Password