MARIA NNYAFFE OTUYAMBE (W.F.)

Ekidd.: Maria Nnyaffe, otuyambe;
Ennaku zitusanze, otuwolereze. x2

1. Tuzze gy’oli ayi Bikira Nnyaffe,
Tuvunnamye ffenna mu maaso go,
Tega okutu, Muwolereza waffe,
Owulire essaala z’abaana bo.

2. Laba ebyalo biweddemu abantu,
N’enju zonna leero bifulukwa.
Tuwulira ebiwoobe n’enduulu,
Tunadda wa Ggwe bwototuyamba?

3. Twayonoona, ggwe wamma gutusinze,
Naye leero tumenyese emyoyo
Ggya amaaso go ku bibi bye tukyaye,
Tusaasire ng’oggya mu kisa kyo.

4. Ayi Mukama watutonda Ggwe nnyini,
N’otubumba ffenna n’engalo zo;
Weerabire nga bwe tuli aboonoonyi,
N’ojjukira nga tuli baana bo.

5. Oba ogaya amaziga ge tukaaba,
Omwana wo ye atuwanjagira;
Tunuulira ku biwundu bya Yezu;
Notogaana kusaasira bantu.

6. Ayi Mukama, Ggwe Omutonzi wa byonna,
By’olagira biwulirwa mangu,
Obulwadde bujja okumala abantu,
Bukomeko ffenna tunaawona.

DOWNLOAD LINK:

MARIA NYAFFE OTUYAMBE

Comments

Add a Comment

Your email address will not be published. Required fields are marked *