NJA KUYIMBANGA EKISA KYO MUKAMA BY Pontiano K.Biva

Chorus:

 

Nja kuyimba nga ekisa ky’Omukama,

Nkutendereze nkwebaze ggwe eyannonda.

Nnafuuka mwana mu nyumba yo nze gw’oyoleka eby’ekisa,

Mu mwana wo Yezu mu maaso go ndi mwana muganzi,

Mu bwakabaka bwo olw’oyo nange bwentyo nnafuuka musika!

 

Verses:

 

  1. Ng’oli wakisa nnyo Mukama, ddala wamma kyewuunyo;

Ggwe okuganza nze kyava ku ki? Ssebala butukirivu ….a…..a……a…….

Mu maaso go ssetenda; kubwange nze ani?

Sso ggwe n’olonda mbeere mwana wo ate muganzi!

Waggya mu kisa kyo Lugaba, ggwe n’ojja n’onnoonya.

 

  1. Nkwebaza obutassa Mukama, leka gw’oganza nnyimbe;

Nga ndowooza ggwe by’onkolera.

By’olaga bisukkirivu by’amannyi, ebikuuno byo bingi nnyo, okulojja tebiggwayo!

Anti abakweyuna obayamba n’oba essanyu lyabwe;

N’okubagiza abanaku abo bonna n’obajuna.

 

  1. Ddunda omwagazi ng’otegeka! Entereeza zo Lugaba

Zonna zibe nga bw’olonda

Tozibirwa n’akatono …a…..a…..a…….anaakugaana y’ani? Muyinza teesanga.

Tuusa by’oteesa, oli wa buyinza ggwe mutonzi;

Nkusaba kimu ku nnyweza ompe okukiriza.

 

  1. Omberedde wa kisa nnyo okuva obuto bwange,

Nebwennali sinnabawo, ekisa kyo nekintegekera ekkubo lyange

Mu kkyo ggwe mwe waggya ne mbaawo.

Ne munsi munno nga nnamaga,  ongoberez’ amaaso ag’ekisa.

Nnaatenda ntya? Nnaalojja ntya? Leero nnaayimba ntya?

 

  1. Sso ne bwe nkuyimba sikoma, akulojja bw’atyo era

Omutonzi ggwe taakumale.

Ssebirungi ossukulumye, wekka omu

Kitiibwa kyo kijudde, muyinza ggwe byonna.

Taata osaana ettendo n’omwana wo oyo omu Kigambo

Nga muli kimu ne Mwoyo leero n’ebulijjo.

Loader Loading...
EAD Logo Taking too long?

Reload Reload document
| Open Open in new tab

Download [42.08 KB]

Comments

Add a Comment

Your email address will not be published. Required fields are marked *