TURYAAMUSHANGAYO

Turyaamushangayo (Ogwo) Omwana wa Ruhanga omwiguru owa Taata turyamushangayo
1.    Okatufeera Yezu itwe abasiisi waatworeka omuhanda ngu tugutooremu nyentsya.

2.    Okatunywaana Yezu waatuhabura waatubeera omuhanda amazima n’amagara.

3.    Okakiza abarwaire n’abashobiirwe abamukunda tweena nimwiije tugize.

4.    Nitukushaba iwe Yezu, rukundo yaawe etugumye obutoosha tugume turi abaawe.

5.    Mugabe w’obusingye tuhe obumanzi tuhamire ahar’ iwe Mukama w’abakama.

6.    Mukama w’ensi yoona abaana baawe nitukutakira tweena nitwenda kwija owaawe.

7.    Okatukunda Yezu twaba enkundwa zaawe nitwe reka tukweehe tugume turi abaawe.

8.    Muheru gw’ebyo okeitwa watuzookyera wasingura omubeihi  abaawe waatukiza.

9.    Okakora byoona Yezu wabimaariira waatemba okwo Bweera owa sho niyo otuura.

10.    Emigisha yoona Yezu yagishukyeera yaija na Mutima Orikweera mugabi w’amagara.

Comments

Add a Comment

Your email address will not be published. Required fields are marked *