TOOLA TUDDIZE (Fr. James Kabuye)

Ekidd.: Toola tuddize Omukama by’atuwadde
Omugabi omulungi ng’agabye nnyo,
Nnaamuddiza ki oyo Katonda!
Ha …… ataamuddize ani, akukuumye ng’oli mulamu Mukama waffe oyo…….
Ha … ataamuddize ani byonna by’akoze ggwe y’akubedde.
Yanjuluza, sumulula, ogabireko Omukama atasingika bugabi.

1.Oli mulamu ku bwa Katonda, n’ebyo by’olina bye bya Katonda.
Kiki ky’olina ky’otaafuna, wenna oli wa Katonda!
Ebya Katonda biddize Katonda, obe mutuufu mu nnamula yo.

2.Ofunye ntoko ku bwa Katonda, toola by’ofunye ku bwa Katonda
Kiki ky’olina ky’otaafuna, wenna oli wa Katonda!
Ebya Katonda biddize Katonda obe mutuufu mu nnamula yo.

3.Byonna by’olina ku bwa Katonda, byabala ddala ku bwa Katonda,
Kiki ky’olina ky’okungula, nga Ddunda takukkirizza?
Ebya Katonda biddize Katonda, obe mutuufu mu nnamula yo.

4.Ogobolola ku bya Katonda, weyagalira mu bya Katonda,
Kiki ky’olina ky’otaafuna, ku nsi eno waleeta ki?
Ebya Katonda biddize Katonda, obe mutuufu mu nnamula yo.

5.Bw’otunuulira ebya Katonda, n’ebyo by’ofunye ewa Katonda,
Kiki ky’okoze okumwebaza, wenna oli wa Katonda!
Ebya Katonda biddize Katonda, obe mutuufu mu nnamula yo.

DOWNLOAD LINK:
TOOLA TUDDIZE

Comments

Add a Comment

Your email address will not be published. Required fields are marked *