Lyrics
Laba laba eri mu ggulu ewala eri
Ddala anti k’owulire Yoanna by’atunyumiza ebiri eri
Laba laba y’eyo mu ggulu ewala eri
Ddala leka abinyumye Yoanna bye yalaba ebiri eri
Laba anti k’owulire, ddala ebisangwa eri
Ddala anti k’owulire Yoanna by'agamba ebiri eri
Nze ndabayo abayimba Eyo mu ggulu
Era ndabayo abalungi Abanekaaneka abo
Balina emirembe Mazima abali eri
Era balina ekitiibwa Abaaziwangula abo. x2
Laba amawanga gonna bwe gali eri bwe gali eri, laba amawanga
gonna bwe gali eri
Buli luse, buli ggwanga, buli muntu buli muntu, laba amawanga
gonna bwe gali eri
Beebo Abajulizi era abayimba abayimba, beebo Abajulizi era
abayimba.
Bambadde byeru, beesibye ebimyu ebyo, bamuli mu maaso Omukama
Bambadde ebyeru banyumye nkugambye, bakute n’ensaansa
ez’obuwanguzi.
Beebo Abaaziwangula entalo mazima ddala obalaba beebo
Beebo Abajulizi obalaba, mazima ddala baabo beebo
Beebo Bamuyimbira Omukama, mazima ddala baabo beebo
Beebo Bali mu ssanyu obalaba, mazima ddala baabo beebo
Beebo Bayimiridde obalaba, nga bakutte n’ensaansa beebo.
Abazira abanywevu abali mu kitiibwa, nga batudde n’Akaliga
Ebyambalo ebyabwe be baabyoza abo nno mu Musaayi gw’Akaliga
Emitego gya sitaani bonna abo baagibuuka ne babonaabona olw’Akaliga
Ne babonaabona abo wonna ne babakyawa ne babonaabona olw’Akaliga
Baatemaatema abo era ne babasogga nga babalanga ogw’okusoma
Baayita mu bingi nga babonaabona abo ne banywerera ku Katonda
Omusaayi gw’omuwendo guli gwe gwabanaaza, Omusaayi gw’Akaliga.
Beebo Beebo abazira bannamige abo
Beebo Laba abali wamu n’Akaliga
Beebo Tibakyalumwa njala baatuuka
Beebo Anti bali wamu n’Akaliga
Beebo Ennyonta n’enjala byaggwa dda
Beebo Anti bali wamu n’Akaliga
Beebo Tibakyabonaabona beesiima
Beebo Anti bali wamu n’Akaliga
Beebo Okwo okukaaba kwaggwa dda
Beebo Anti basanyuka n’Akaliga.
Beewaayo baalwana Abali eri
Eeeeeee baalwana Abali eri
Ky’ava abasanyusa Omukama oli N’abaweera
Eeeeeeeeeeeeee baatuuka Oyo n’abaweera
Ky’ava abatikkira engule zaabwe N’abaweera
Eeeeee eeeeee beesiima Beesiima nnyo
Abajulizi mbeegomba Abali eri
Eeee eeeeee mbeegomba Abali eri
Ffenna tuli mu ddene twesunga Okugenda
Eeeeeeeeeee lulikya nno Ne tubatuuka, eyo, eyo, eyo.
428. KAROLI LWANGA (Joseph Kyagambiddwa)
Karoli Lwanga wuuno omulwanyi ow’amaanyi,
Tumulina omugabe era omujaasi w’eggye!
Katonda yeebazibwe olw’ono gw’atuwadde
Akulembere eggye lye ery’abalwanyi ku nsi,
Atweyagaza omumegganyi
//Tumusiimye ow’ettutumu omuganzi Lwanga.//
Tenor Leader:
Abatudde mwenna Omulwanyi Lwanga
Mbanjulira mukulu waffe Omujaasi wa Yezu,
Omuzira nnamige ye oyo Omulwanyi Lwanga,
Mukama gw’atusindikidde Omujaasi wa Yezu,
Akulire entabaalo zaffe, Omulwanyi Lwanga,
Nnalukalala atameggebwa ngo; Omujaasi wa Yezu,
//Ye wuuyo Karoli Lwanga, Omulwanyi Lwanga
Ye wuuyo bwe twatabaala! Omujaasi wa Yezu//
KIZITO (Solo):
Balubaale bakangawadde, Omulwanyi Lwanga
N’emmandwa zikambuwadde, Omujaasi wa Yezu
N’abafuzi batweweredde, Omulwanyi Lwanga
Batulanga obusomi bwaffe, Omujaasi wa Yezu,
//Siitye nze Karoli w’ali! Omulwanyi Lwanga
Nnaanywera Karoli w’ali! Omujaasi wa Yezu.//
429. KIZITO OMUTO (Joseph Kyagambiddwa)
(A) Leaders: Chorus:
Kizito omuto oyo wange Kizito omusomi
Mwana w’embuga gwe mbiita Kizito omusomi
Kizito omwagalwa omuganzi asiimwa Kizito omusomi
Nkugumya ennaku gwe nsuuta Kizito omusomi
Omwana w’abakungu atalabwa Kizito omusomi
Atunula ng’amata obuta olw’enneema Kizito omusomi
Nkuuma ekkula lya Katonda zzaabu Kizito omusomi
Nkuuma emisana n’ettumbi Kizito omusomi
(B) Ekidd.: Bwe tulittibwa naawe ffembi olw’okuba eddiini
Nze ndikugumya gy’ogenda tolindeka.
Bwe balinjokya ne nfa nze ndijaguza owange,
Nze ndiwondera, ne ngwa ggwe eri gy’oligwa. (B x2)
(C) Kizito onnumya omwoyo, mazima totya, ewa Yezu laba nnyini ffe
anti gye tulamaga. (C x2)
(D) Zannya, zannya, omwana wa Yezu zannya,
Zannya, nnyo omulenzi wa Yezu omwana,
Jaagaana omulongo w’olukoba owange,
Jaagaana omulongo w’olukoba ow’edda. (D x2)
(E) Eh! Eh! Eh! ..........................Eh! Eh!
Kizito onsagasaganya ka nkusabire,
Gy’ogenda wala ntalo, nywera tuziyabule. (E x2)
Kizito omugagga enneema Kizito omusomi
Ne Nnamasole aweese ggwe Kizito omusomi
Mukama w’eggulu Katonda awa ggwe Kizito omusomi
Nnyina Maria atwesiimya Kizito omusomi
Okaabiranga ki nga ndi wano? Kizito omusomi
Ntunula sitemya nkukuuma owange Kizito omusomi
Nkwasa Bikira omuyambi Nnyaffe Kizito omusomi
Gwe mmulerera Owemmamba Kizito omusomi
Kizito mukwano ow’edda Kizito omusomi
Ziriba bbiri ne nngenda Kizito omusomi
Nngenda eri Omutonzi nga nze nfa nno Kizito omusomi
Nfiirira ssebo eyantonda Kizito omusomi
Ffe tulifa lumu ffembi wamu Kizito omusomi
Ndayira sirikuleka bw’omu ggwe Kizito omusomi
Liisoddene waggulu gy’ali eyo Kizito omusomi
Tulimulaba n’oweera. Kizito omusomi
Spotted a wrong word or a missing verse? Make corrections
Sheet music
Open full screenIf the score does not display on your phone, use View sheet music to open it in your PDF reader.
Listen to this song
This song cannot be played here yet: the sheet music is a picture of the score, and a playable copy has to be prepared and checked by a musician. Ask for it and we will prepare the most requested songs first.
Composers and typesetters: if you have this song in MuseScore, Sibelius, Finale or capella, send us the notation file and it can be playable within days.