Mukama Ansitudde

Otyo, otyo,
Mukama asitudde abalabe be kababune emiwabo.
Mukama asitudde azze, azze
abalabe be kabazine oluguje.
Mukama asitudde.
Mutabaazi, mutabaazi,
erinnya lye mutabaazi, mutabaazi.

Situdde asitudde, bamulabyeko akaga
Omuwanguzi ntalo.
Ka babune emiwabo abalabe be enkumu,
bakwatibwe ensonyi abamukyawa.
Abamukyawa bamwetegule nga bukyali.
Batabunkana ng'envumbo, gabawedde,
basaanuka ng'envumbo ku muliro.
Ababi aboonoonyi bwe bazikirira batyo.
Mu maaso g'Omukama Katonda (abatuufu)
basanyukira mu Katonda,
ne bajaganya mu maaso ge,
beesiimira mu Katonda,
beesiimira mu Katonda nnyini abatuufu
basanyukira mu Katonda ne beesiima,
ne basanyuka, ne bajaganya,
ne bajaganya mu maaso g'Omukama.

Mumuyimbire Katonda ow'edda. (Zitujje, zitujje)
Mumuyimbire ku ntongooli,
mumuyimbire ku nnanga Katonda ow'edda.
Mwaliire, mwalire ekkubo, zireeta;
ng'ayitayita mu ddungu,
mujaganye w'ali erinnya lye kkulu ddala ddala,
mujaganye w'ali ye Mukama Katonda w'amaggye.
Ye kitawe wa bamulekwa,
bannamwandu y'abalabirira, (kirungi nnyo)
asula eyo mu ggulu ddala (atumbidde)
mu kisulo ky'ekitukuvu, (asukkulumye)
y'ategekera enju n'abasuuliddwa, (kirungi nnyo)
abasibe abaggyayo eyo mu kkomera mu kujaguza,
abatuusa mu ssanyu,
abajeemu bokka be babeera mu nsi ey'ebbugumu.

Ayi Katonda bwe wafulumanga
ng'okulembera eggwanga lyo mu ddungu,
ensi yayuguma.
Eggulu nalyo lyavulula,
ne Sinayi yajugumira.
Awali Katonda n'ensi eno yajugumira.
Awali Katonda ne Sinayi yajugumira.
Ensi yayuguuma, eggulu liyuguma,
ne Sinayi yajugumira.

Baalaba amayingira go ayi Mukama,
baalaba amayingira go mu kitukuvu gy'obeera.
(Abayimbi) be bakulembera, ennyiriri abatongooli,
be bakoobera emabega.
Mu makkati abawala ne basimbako
nga bakuba obugoma,
nga bayimba nga bazina nga babuuka.

Agulumizibwe Omukama Omutonzi waffe,
(Ye Katonda waffe, Omuyinza y'oyo, emigugu gyaffe ogitutte gyonna)
Omulokozi waffe, agulumizibwe Omukama.
Agulumizibwe Omukama atuwonya n'olumbe,
agulumizibwe Omukama.
Agulumizibwe Omukama mu bibinja by'asoma,
agulumizibwe Omukama.

Bwakabaka bw'ensi, (omuyimbire Omukama)
obwakabaka bw'ensi mmwe muyimbire oyo Katonda, (ku ntongooli)
mumuyimbire ng'alinnya,
oyo atwalibwa eyo mu ggulu,
mumuyimbire ku nnanga.
Eddoboozi lye ery'amaanyi alitadde liwuluguma.
(2nd time: litekemula.)
Mutegeere, mutegeere obuyinza bw'Omukama
n'ekitiibwa kye eyo mu bire.
Mutegeere obuyinza bw'Omukama n'ekitiibwa kye,
Katonda atiisa mu kitukuvu kye
y'awa yennyini eggwanga lye obuyinza n'obuzira.
(Kabaka) agulumizibwe, agulumizibwe,
agulumizibwenga Katonda.