Mwebaze Katonda

Mwebaze Katonda, mwebaze Katonda,
mwebaze Katonda ebikuuno byonna by'atukoledde.
Mumukoowoole, mumukoowoole,
mumanye amawanga gonna by'atukoledde. Eh!
Mumuyimbire ne kuntongooli. Eh!
Mumuyimbire ne kunnanga. Ha!

Nnyini bulamu Omukama (mumutende mumuyimbire),
Nnyini bulamu Omukama (mumutende mumuyimbire),
endagaano ye agimanyi.
endagaano ye makula.
buli ky'akola kikulu.
Katonda w'ensi. Eh! (mumuyimbire ku nnanga.)
Eh! Ku nnanga.

Mwogere ebyamagero bye enkumu Katonda by'akoze,
mwenyumirize mu Mukama Katonda "Omutuukirivu" Namugereka.
Abeyuna gy'ali mmwe musanyuke,
mweyune Katonda Ddunda n'amaanyi ge.
Mumweyune, mumweyune bulijjo, mumweyune
(mujjukire) ebyamagero Ddunda by'akoze (mujjukire)
ebyewuunyo, ebyewuunyo Ddunda by'akoze
n'emisango gye yasala,
mmwe ezzadde lya Ibrahimu, mmwe ezzadde lya Ibrahimu omuweereza we,
mmwe bazzukulu ba Yakobo abalondemu,
mmwe bazzukulu ba Izaake ne Yakobo mujjukirenga ebikuuno bye.
Ye Mukama Katonda waffe, ye yasalawo ensonga,
ye yasalawo ensonga ez'ensi yonna bulijjo.
(Ajjukira endagaano ye) bulijjo,
ajjukira kye yasuubiza Izaake ne Yakobo
ng'alayira n'okulayira nga yalubeerera nti:
ndibawa ensi ya Kanaani ebeerere ddala yammwe emirembe gyonna.

Baserengeta mu Misiri kitalo nnyo.
Babonabona olw'enjala kitalo nnyo.
Babakozesa okukamala kitalo nnyo.
Kyokka Omukama, kyokka Omukama n'abawa okuzaala ennyo,
n'abawa n'amaanyi okusinga abalabe babwe.
N'omukono gwe ogw'amaanyi, eyo yabaggyayo
ng'atta baggulanda, n'abonyabonya abo
n'ebikangabwa bizibu ebitatadde.
N'alyoka abaggyayo, n'alyoka abaggyayo nga bagagga
zaabu balina ne ffeeza nga bonna balamu,
nga bonna balamu bamaanyi, [beliisa nkuli?].
Bavaayo nga bayimba, bavaayo nga bazina.
Nga basanyuka nga bazina n'abatuusa bonna
mu nsi endazaanye erimiddwa amawanga agagirimu.