Lyrics
Omwana ogwo owatuzaariirwe,
kaniwe Mucunguzi waitu buzima.
Taata Omuzaire Ruhanga iwe okatukunda,
waatweha twananuka obwo notuha ogwo Mujuni.
Reero na Malaika Gabrieli waamwohereza;
Waamwohereza ngu aze Nazareti
okwo niyo ndugo y'ogwo Mujuni.
Waamwesiga ogwo Nyakuhiirwa Nyina Yezu;
Yaatooranwa kumuzaara Njuni y'ensi buzima.
Eka nyakuhiirwa Mukama iwe okagyetooranira;
Okagyetooranira ngu nimwo
Njuni y'ensi Mukiza ariruga kwo buzima.
Ahonaaho Malaika akagiza eka y'encookwa buzima,
Eka y'encookwa buzima,
reero nyakuhiirwa Mariya ebyowe yaabikiriza.
Reeba omushaija kaniwe ogwo nyakutooranwa,
yaakwatsibwa ngu amureeberere Nyinaitwe buzima.
Akaboorora bombi Yozefu nk'omuzaire buzima,
nka omuzaire buzima,
naahwerwa Malaika, Mukama aho yaazaarwa kurama.
Mbwenu omuhairwa Nyina Yezu Njuni yaitu,
twakweha naitwe otubeere omuzaire buzima.
Part Two:
Obuyaazaarwa Ee,
ensi yoona ekaruhuuka.
Hurikiza ekyabaire Betelehemu,
obu Mukama waitu yaazaarwa;
Malaika atyo yaamanyisa abariisa,
eby'okuzaarwa kw'Omujuni,
Amatungo [baagarekani behuuta?],
baija baaramya Mukama,
Abariisa babuzya egyo nkuru nungi,
hoonahoona yaajanjaara.
Abanyabwengye gaabahika nabo baija,
baija bebembeirwe enyonyoozi.
Enyonyoozi yaabahisya Betelehemu,
ahu Mukama yaazaariirwe,
Baamuramywa baamutoijera ebiconco,
obubaani, entsinda na Miira.
Spotted a wrong word or a missing verse? Make corrections
Sheet music
Open full screenIf the score does not display on your phone, use View sheet music to open it in your PDF reader.
Listen to this song
This song cannot be played here yet: the sheet music is a picture of the score, and a playable copy has to be prepared and checked by a musician. Ask for it and we will prepare the most requested songs first.
Composers and typesetters: if you have this song in MuseScore, Sibelius, Finale or capella, send us the notation file and it can be playable within days.