Lyrics

Chorus

Twewuunya obuzira bwo ggwe ataatya kuyokebwa,
Omuto ddala weewaayo okubeera Yezu,
Ayi Kizito omwesiimi Luwangula,
Ggwe tufunire eri Yezu Omukama Katonda,
Enneema ey’obuwanguzi. x2

1

Mu mirembe egy’edda, mu nsi ya Uganda
Nga tetumanyi na ddiini,
Yezu n'atuyamba, n’atuma abasaale,
Bagobye e Buganda
Ne batandika okusomesa.

2

Ku mirembe Emyanga, nga kiri mulaala,
Ne batandika olwo eddiini
Bangi bagikutte, basoma obutezza,
Ne Mapeera ku olwo,
Ng’abayamba okweyatulira.

3

Ggwe Kizito omwana, okuva obuto bwo,
Weeragirawo ggwe bw’oli
Weewala ebikyamu, n’okola ebirungi
N’ozikyawa emmandwa,
Okuva obuto oli muzira.

4

Wasoma kironde, ng’otegeera bingi
Amagezi go nga mangi
Yezu n’akuganza, n’akuwa ggwe enneema,
N’osobola bw’otyo,
Okuva ku byokulagulwa.

5

Nga bakutte bangi abasomi enkwata,
Wasigalawo ng’onywedde,
Bangi baakugamba: weewale abajeemu,
By’osoma bisuule,
Oleme kufa obumbula.

6

Nga muli bakwate wasaba Karoli,
Kubatizibwa mu ddiini,
Yezu n’akufuula omwana gwe yalonda,
Ow’olulyo olulonde,
Okuva olwo n’oba Kizito.

7

Omuzadde wo oyo ng’alira amasajja,
Yakukangamu ggwe omwana,
Naawe n’omugamba, ssebo nze nkugaanye,
Nja kufa ku lwange,
Ffe tugenda waffe mu ggulu.

8

Ku kikoomi erudda, ng’otunula bw’oti
Ne bakuttisa ggwe ekiggo,
Bw’otyo n’osirikka, olw’oyo gwe waganza,
N’osomoka bambi
Mu ggulu okuba ne Yezu wo.

Spotted a wrong word or a missing verse? Make corrections

If the score does not display on your phone, use View sheet music to open it in your PDF reader.

Listen to this song

This song cannot be played here yet: the sheet music is a picture of the score, and a playable copy has to be prepared and checked by a musician. Ask for it and we will prepare the most requested songs first.

Composers and typesetters: if you have this song in MuseScore, Sibelius, Finale or capella, send us the notation file and it can be playable within days.