Nnamugereka Wava Ebinene

Nnamugereka wava ebinene, tukwebaza nnyo Katonda waffe .....

Nnamugereka ffenna atumanyi, tukwesiga nnyo Katonda waffe .....

Wagiwangawo ensi amakula, tukwebaza nnyo Katonda waffe .....

N’ebigirimu byonna obimanyi, tukwebaza nnyo Katonda waffe .....

Wagiwundamu byonna ebinene, tukwebaza nnyo Katonda waffe .....

Byonna by’olaze ku nsi binene, tukwebaza nnyo Katonda waffe ........

Tulabira wa ffenna abalamu, tukwebaza nnyo Katonda waffe ........

Nnaakugamba ki ampa obulamu, tukwebaza nnyo Katonda waffe ........

N’obuyinza bwo byonna bifuge, tukwebaza nnyo Katonda waffe ........

N’ebimera byonna bikuze, tukwebaza nnyo Katonda waffe . ........

N’ebirime byonna bibaze, tukwebaza nnyo Katonda waffe ........

N’omusana nagwo gutuwe, tukwebaza nnyo Katonda waffe ........

N’enkuba yo nayo gituwe, tukwebaza nnyo Katonda waffe . .......

Nnannyinimu ffenna tulabe, tukwesiga nnyo Katonda waffe . ........

Wa ekyokulya bonna abanaku, tukwesiga nnyo Katonda waffe
........

Ne bamuzibe bawe okulaba, tukwesiga nnyo Katonda waffe ........

N’abalira bawe okuwona, tukwesiga nnyo Katonda waffe . .......

N’abatambula bonna obamanyi, bakwesiga nnyo Katonda waffe
........

Tusaba kimu ffenna okulaba, nga bw’otubeera Katonda waffe ......

NZE NNGENDA NTYA (Fr. Gerald Mukwaya)

Ayi Mukama ndi mwana wo
Kyokka ayi Mukama nkujeemera
Ne nkusaba kati onziriremu
Nze ayi Mukama aboneredde.

Omugaati gwo gwe ndeese
Ng’era n’evviini ngitaddeko
Bikutambirwe olwaleero
Mu Yezu Kristu Omwana wo.

Ka tukwebaze Ggwe by’otuwa
Ffenna baganzi bo abakumanyi
Byonna ayi Mukama biva wuwo
Era ayi Mukama bidda wuwo.

Ekirabo ekisembayo
Ye Ggwe ayi Mukama abaana bo
Emitima ka gibe gigyo
Ffenna nga twagala by’oteesa.

OSTIA N’EVVIINI ENO (Fr. James Kabuye)

Kye kiikyo ekyalangwa mu biwandiiko
Nga kiringa ekyaweebwayo luli edda ennyo,
Ng’ekya Melekisedeki ow’ekitiibwa,
Eyaweerezanga omugaati n’evviini,
Ne Katonda n’asiima Ekitambiro ekitukuvu.

Kye kiikyo ekyalangwa mu biwandiiko,
“Okuva enjuba lw’evaayo okutuusa lw’egwa,
Erinnya lyange kkulu mu b’amawanga,
Mu buli kifo balitambiririramu,
Nga baweereza erinnya lyange Ekitambiro ekitukuvu.”

Kye kiikyo ekyalangwa mu biwandiiko:
Endiga, embuzi bye muleeta, tibigasa.
Yezu kwe kugamba: “Nzuuno, Katonda, ntuuse;
Ntuukirize kye bampandiikako, okukola ky’oyagala,
Nga mpeereza omubiri gw’ompadde mbalokole.”

Kye kiikyo ekyalangwa mu biwandiiko,
Mu Senakulo lwe yeewaayo ng’Ekitambiro,
Yezu yaddira omugaati n’awa Abatume be nti;
“Mutoole mulye: Kino gwe Mubiri gwange;”
Ne ku vviini nti: “Munywe mwenna Omusaayi gwange.”

SI BUTAAGAANE (Fr. Expedito Magembe)

Si butaagaane naye kwagala, ffe okukuddiza Lugaba.

Si butaagaane naye kwagala, bino bye tukuwa Lugaba.

Si butaagaane naye kwagala, kye tuva tusanyuka mu maaso go.

Si butaagaane naye kwagala, kye tuva tuyimba mu maaso go.

Si butaagaane naye kwagala, kye tuva tubiibya mu maaso go.

Nnyimba n’embuutu nabyo ka bivuge tukuzinire Lugaba (x3)

Si butaagaane naye kwagala, ffe okukuddiza Lugaba
Bino ze ntuuyo zaffe - bino ge maanyi gaffe kwe kwagala
kw’emitima gyaffe - Mukama bikkirize Lugaba Ddunda.

TOOLA TUDDIZE (Fr. James Kabuye)

Oli mulamu ku bwa Katonda, n’ebyo by’olina bye bya Katonda.
Kiki ky’olina ky’otaafuna, wenna oli wa Katonda!
Ebya Katonda biddize Katonda, obe mutuufu mu nnamula yo.

Ofunye ntoko ku bwa Katonda, toola by’ofunye ku bwa Katonda
Kiki ky’olina ky’otaafuna, wenna oli wa Katonda!
Ebya Katonda biddize Katonda obe mutuufu mu nnamula yo.

Byonna by’olina ku bwa Katonda, byabala ddala ku bwa Katonda,
Kiki ky’olina ky’okungula, nga Ddunda takukkirizza?
Ebya Katonda biddize Katonda, obe mutuufu mu nnamula yo.

Ogobolola ku bya Katonda, weyagalira mu bya Katonda,
Kiki ky’olina ky’otaafuna, ku nsi eno waleeta ki?
Ebya Katonda biddize Katonda, obe mutuufu mu nnamula yo.

Bw’otunuulira ebya Katonda, n’ebyo by’ofunye ewa Katonda,
Kiki ky’okoze okumwebaza, wenna oli wa Katonda!
Ebya Katonda biddize Katonda, obe mutuufu mu nnamula yo.