Lyrics
Sop: Yee, njozaayoza bannaffe Abajulizi
(Bass) Abaafa baalulinnyako Mukulike Namugongo
Basajja mwalwana ,, ,,
(a) Bajulizi abaafa ,, ,,
Basajja mwalwana ,, ,,
(b) Basajja mmwe abaafa ,, ,,
Sop: Mwalulinnyako olutalo nnamuzisa temwekanga mwali bagumu
ng’ejjinja temwekanga
Olutalo lw’omuliro nnamuzisa mwaluwangula ngeri ki?
Sop: Hi ha hi, sso abaana abangi abaabonaabona omuliro. x2
Bass: Baabalanga ki nze mpa ensonga Mwanga ebassisa abasomi?
Sop: Baabalanga ki abaffe? Baana baabalanga ki? x2
Bass: Bwe mutalekeeyo kusoma, mwenna ka babayokye e Namugongo
Sop: Ssiva ku Yezu nze, sijja kumwegaana ne bw’atta nneesiima.
Tugenze kwesiima.
Bass: Bwe mutalekeeyo kusoma, mwenna ka babayokye e Namugongo.
Sop: Namugongo olyotya? Ettambiro ekkambwe ozisa abakuzzeeko?
Bass: Mwanga nnaakugamba ki ggwe nno! Ggwe atta abasomi n’obookya!
Sop: Gy’ali gy’ali asala omusango; Mwanga olimudda wa ggwe ate?
Bass: Olikala ng’omuddo ogutannakuulwa, obuyinza bwo obwonoonye
Sop: Munywere, munywere abaana abawanguzi b’entalo.
Bass: Sop: Munywere Munywere
Munywere Munywere abaana abawanguzi ntalo
anaabatiisa anaava wa, munywere.
Bass: Munywere x2
Munywere Sop: Munywere abaana abavubuka Katonda ageza.
Ageza x4 (a) Mukulike omukka - mukulike obulumi
Katonda ageza (b) Mukulike ebbabe - mukulike effumu
Sop: Kati nno, kaakati mutudde ntende Bass: Mbatenda
Mu ssanyu mutudde ntende - ewaffe.
(b) Kaakati muli mu ddembe - mbatenda
Ennaku ziwedde amangu - kafuuwe.
(c) Abaafa muli mu ddembe - mbatenda
Entalo ziwedde ez’ensi - ezammwe.
Sop: Tusaba kimu bannaffe Bass: - Abeewaayo
Mutusabire tweveemu - bulamba
Eddiini tuginyweze ffenna - n’amaanyi.
Tutti: Tugyagale okusinga ebirala bye tulina ffe,
N’obulamu bwaffe, n’ekitiibwa kyaffe bye tweresa mu nsi muno
Byonna mu ggulu tubifuna mu bujjuvu, ate bya lubeerera.
440. NOA (Fr. James Kabuye)
Noa ffe tukutenda olw’obuzira bwo, Noa,
Bakambwe abambowa
Wabeeranga, Noa, bwe baakufumita tiwesasa,
Wafa nga Yezu mu buwulize;
//Tuyambe tunywerere ku Yezu
Tutuuke ewa Kitaffe mu ggulu// x2
Tutuuke ewa Kitaffe mu ggulu.
Wazaalibwa Nkazibuku eyo mu Busujju.
Bakadde bo: Musaazi ne Mmeeme baakugunjula
Wayigirayo n’ogw’okubumba waguva buto
Gwe gwakusenza ewa Mukwenda mu Kirumba.
Wasomera Kiyinda kumpi ne Mityana,
Wayolesa amagezi n’obuvumu obutagambika
Wagumalako ogw’obulonde n’okakasibwa.
Wakulira ewa Mukwenda e Mityana.
Omulimo gwo, mubumbi w’embuga nnakinku
Wagukoza magezi n’ossaako n’obugunjufu
Wali muwazi ow’amaliba omuwulize
Mulimo gwo nga bagusiima mu Kirumba.
Wasomesa ogw’obulonde mu Kiyinda
Kye mwakola, Matia ne Luka kyatutumbula
Ne wasituka abasomi bangi mu Mityana.
Nga basoma emisana n’ekiro mu Kirumba.
Wasangibwa ewa Luka wano e Kiyinda
Abambowa lwe bajja n’ovaayo n’obuzira bwo
Ng’oli mugumu nga bakubuuza ggwe wabaddamu:
“Ffe tuutuno, tetutya n’akamu buli ekijja”.
Watwoleka bw’olumirwa ennyo ebikukwasibwa.
Mirimo gyo wagikoza buvumu ko n’obwesigwa.
Kye tukusaba emirimo gyaffe gye tusiibamu
Tuyambe tugikolere Kristu oyo Katonda.
441. OLWATUUKA (Joseph Kyagambiddwa)
Olwatuuka, ku mirembe gya Mwanga nze mbabulire,
Ekyaliwo e Buganda ayi abasomi bannange ekyaliwo e Buganda,
Kye ky’Abajulizi abaafa ekyaliwo e Buganda.
Waggulu ewala abaana, Katonda ab’ettendo be yalinnyisa
Leero abakulu mu ggulu ddala ku lwa Yezu bo omusaayi
Mu nsi eno baagubundula, tubakulise.
Nze ngulumiza ntenda, abazira abaana abo Abafirika,
Era abalungi mu ngeri, kati ku lw’enneema ey'obuzira
N’amaanyi baabali wali, be Bajulizi.
Alleluia, alleluia abalenzi abaaka enneema x2
Abatuukirivu.
Ng’eddiini ezze, eyaleetebwa Yezu nno Omulokozi,
Ekyaliwo e Buganda, mu basomi b’eddiini ekyaliwo e Buganda,
Kye ky’Abajulizi abangi abaaliwo ku Mwanga.
Bwe batuuka, abatume b’eddiini mu Bufirika
Ekyaliwo e Buganda, ku basomi b’eddiini ekyaliwo e Buganda
Kye ky’Abajulizi abattwa, ewa Kabaka Mwanga.
Abaanyweza, amateeka ga Yezu mu bulunngamu,
Ekyabagwira kiikyo, abakwasi b’eddiini ekyabagwira kiikyo,
Kye ky’okubatta bonna abo, ekyabagwira kiikyo.
Spotted a wrong word or a missing verse? Make corrections
Sheet music
Open full screenIf the score does not display on your phone, use View sheet music to open it in your PDF reader.
Listen to this song
This song cannot be played here yet: the sheet music is a picture of the score, and a playable copy has to be prepared and checked by a musician. Ask for it and we will prepare the most requested songs first.
Composers and typesetters: if you have this song in MuseScore, Sibelius, Finale or capella, send us the notation file and it can be playable within days.