Missa Tukutendereza (Fr. James Kabuye)

N'emirembe ku nsi, ku bantu bayagadde atyo.

Tukutenda, tukugulumiza, tukusinza, tukusaamu ekityibwa.

Ayi Mukama Ggwe Katonda, Kabaka ow'omu ggulu Katonda Patri,
omuyinza wa buli kantu.

Ayi Mukama Ggwe Omwana, azaalibwa omu yekka, Yezu Kristu.

Ayi Mukama Ggwe Katonda, Ggwe Akaliga ka Katonda
Omwana wa Patri.

Ggwe aggyawo ebibi by'ensi tusaasire,
Ggwe aggyawo ebibi by'ensi wulira okwegayirira kwaffe.

Ggwe atudde ku gwa ddyo ogwa Patri,
Ggwe atudde ku gwa ddyo tusaasire.

Kubanga ggwe Mutuukirivu wekka, Ggwe Mukama wekka,
Ggwe ossuukiridde wekka, Yezu Kristu.

Wamu ne Mwoyo Mutuukirivu, mu kityibwa kya Katonda Patri,
Amiina, amiina, amiina.

Patri omuyinza wa buli kantu, eyakola eggulu n'ensi,
na byonna ebirabika, n'ebitalabika.

Nzikiriza Mukama waffe omu Yezu Kristu,
Omwana omu atyi owa Katonda Patri gw'azaala,
nga n'emirembe gyonna teginnabawo.

Ye Katonda ava mu Katonda, Kye kitangaala ekyava mu kitangaala,
Ye Katonda ddala ava mu Katonda ddala omu atyi.

Yazaalibwa buzaalibwa, teyatondebwa.
Ye ne Patri mu bwa Katonda be bamu ddala, byonna, Ye yabikola.

Oyo, ku lw'okubeera ffe abantu olw'okutulokola,
yava mu ggulu n'akka, n'afuna omubiri mu Bikira Maria
ku bwa Mwoyo Mutuukirivu, n'afuuka omuntu.

Era olw'okubeera ffe, yakomererwa ne ku musaalaba
n'abonabona ku mirembe gya Pontio Pilato, n'aziikibwa.

N'azuukira ku lw'essatu nga bwe kyali mu biwandiiko,
n'alinnya mu ggulu, atudde ku gwa ddyo ogwa Patri.

Alijja ogwokubiri n'ekityibwa okulamula abalamu n'abafu,
obwakabaka bwe tebuliggwawo.

Nzikiriza Mwoyo Mutuukirivu, Omukama, awa n'obulamu,
ava mu Patri ne Mwana.

Ggwe tusinza awamu ne Patri ne Mwana,
ne tumugulumiza kimu bulijjo, eyayogerera oyo mu balanzi ab'edda.

Nzikiriza Batismu emu, esonyiwa ebibi byonna,
ate nnindirira okuzuukira okw'abafu,
n'obulamu obw'emirembe egiriggya, Amiina.